Сәуір айының басында Қазақстан делегациясы атом энергиясын бейбіт мақсатта пайдалану саласындағы қазақстан-жапон ынтымақтастығын кеңейту мақсатында Жапонияға ресми сапармен келді.

Сапар барысында Жапонияның Сыртқы істер Вице-министрімен, сондай-ақ Жапонияның Экономика, сауда және өнеркәсіп министрлігінің, Жапонияның атом энергиясы Агенттігінің (JAEA), ядролық реттеу басқармасының (NRA) өкілдерімен кездесулер өтті.

Қазақстан Республикасы Энергетика министрлігінің баспасөз қызметінің ақпараты бойынша, тараптар атом энергиясын бейбіт мақсатта пайдалану саласындағы екіжақты ынтымақтастық, оның ішінде тәжірибе алмасу, кадрлардың біліктілігін арттыру және даярлау мәселелерін талқылады.