Қазақстанда егіс жұмыстарының белсенді кезеңінің басталуына орай Вице-премьер Серік Жұманғарин наурыз айының соңында шегірткеге қарсы күреске дайындық бойынша кеңес өткізді.

«Биыл жақсы өнім күтеміз. Диқандарды қолдау үшін көктемгі дала жұмыстарына қосымша қаражат бөлініп, жанар-жағармай, қосалқы бөлшектер, тыңайтқыштар және басқа да қажетті ресурстар қарастырылған. Ал шегірткемен күресу бойынша барлық дайындық жұмыстары дер кезінде және кідіріссіз жүргізілуі тиіс. Ешқандай сәтсіздіктер болмауы керек», — атап кетті Серік Жұманғарин.

2024 жылы елде 2,5 млн га аумаққа шегіртке таралануы күтілуде, бұл 2023 жылмен салыстырғанда (1,6 млн га) 1,5 есе жоғары. Ақтөбе, Қостанай және Түркістан облыстарында бұл қауіппен күресуге ерекше мән берілмек. 2024 жылы бұл мақсаттарға ел бюджетінен барлығы 8,1 млрд теңге бөлінді.