Шу ҳафта Renaissance Hall Tashkent банкет залида Opel автомобил брендининг тақдимоти бўлиб ўтди. Асака Motors International Opel шаҳарга мослашган автомобилларининг эксклюзив моделларини тақдим этди, шу билан бирга немис брендининг туғилиш тарихи ҳақида гапириб берди.

Қизиқарли театрлаштирилган спектакл иштирокчиларни ўтмиш муҳитига сингдириб, уларга Opel тарихи бўйлаб глобал муваффақият сари интерактив саёҳатнинг бир қисми бўлиш имконини берди. Германия Федератив Республикасининг Ўзбекистондаги элчиси Тило Клиннернинг қутлов нутқидан сўнг меҳмонлар Ўзбекистон «йўлларини забт этиш» учун келган моделлар билан танишиш имкониятига эга бўлдилар.

Тақдим этилган автомобиллар орасида Opel Mokka, Opel Corsa ва Opel Astra hatchback бор эди.