Адлия вазирлиги, оила ва хотин-қизлар ишлари қўмитаси билан биргаликда оилалар мустаҳкамлигини таъминлаш ва ёш оилаларда ота-она кўникмаларини шакллантириш мақсадида янги турмуш қурганлар учун доимий равишда махсус ўқув курслари ўтказилмоқда.

Бу борадаги самарадорликни янада ошириш мақсадида «Оила-муҳаббат ва бахт қўрғони» мавзусида республика намунавий семинари ўтказилди.

Унда 14 вилоятдан келган мутахассислар, ёш келин-куёвлар учун махсус курсларда қатнашган ёшлар ва бошқалар иштирок этди. Семинар давомида яқинда турмуш қурган ёшларга оилавий-ҳуқуқий муносабатлар, оилавий ҳаёт психологияси, оила иқтисодиёти ва бюджети, репродуктив саломатлик ва маънавий-ахлоқий қадриятларни мустаҳкамлаш бўйича кўплаб тавсиялар берилди.

Тадбир сўнгида оилавий муносабатларга оид китоблар тақдим этилди ва соҳа вакиллари Ўзбекистон Республикасида бошқа фойдали семинарларни ўтказиш режалари тўғрисида қарор қабул қилдилар.