Қазақстан Президенті аты аңызға айналған кеңестік хоккейші в. Третьякпен кездесу өткізді. Әңгімелесу барысында Мемлекет басшысы соңғы жылдары Қазақстанда хоккей географиясы едәуір кеңейгенін атап өтті. Хоккейден қазақстандық командалар, соның ішінде «Барыс» Астана клубы ҚХЛ чемпионатына және басқа да турнирлерге қатысады. Ұлттық құрама әлемдік біріншіліктерде де табысты нәтижелер көрсетуде. Мұның бәрі хоккейді елде танымал етуге оң әсер етеді.

Қазақстанда хоккей мектептерінің, жастар командаларының саны күрт өсті, түрлі деңгейдегі жарыстар белсенді өткізілуде.

Өз тарапынан Владислав Третьяк Астанада өткен Qazaqstan hockey Open 2024 халықаралық турнирін ұйымдастырудағы қонақжайлылығы мен жоғары деңгейі үшін Қазақстан көшбасшысына алғысын білдірді. Мемлекет тарапынан командалық спорт түрлеріне назар аударудың арқасында қазақстандық хоккейдің айтарлықтай ілгерілеуі атап өтілді.

Сурет: Akorda.kz