Сәуір айының соңында Қазақстан Республикасы Премьер-Министрінің бірінші орынбасары Роман Скляр Жапонияның Қазақстан Республикасындағы Елшісі Джун Ямадамен кездесті.
Р. Скляр Жапония Қазақстанның халықаралық аренадағы маңызды серіктесі болып табылатынын атап өтіп, Қазақстан өзара қызығушылық тудыратын барлық салаларда Жапониямен стратегиялық әріптестікті одан әрі кеңейтуге берік екенін айтты.
Тараптар Қазақстан-жапон ынтымақтастығы мәселелерінің кең тізімін талқылады. Елдер арасындағы сауда-экономикалық және инвестициялық салалардағы байланыстарды арттыру қажеттілігі атап өтілді.
2023 жылдың қорытындысы бойынша Қазақстан мен Жапония арасындағы тауар айналымы 2,2 млрд долларды құрады, осылайша өсім 13,8% -. құрады.
Тараптар әртүрлі салалардағы қазақстан-жапон қатынастарын нығайту бойынша белсенді жұмысты жалғастыруға келісті.
Фото: Қазақстан Республикасы Премьер-Министрінің ресми ақпараттық ресурсы