Тараптар көлік-логистика саласындағы ынтымақтастықты, ағымдағы жобаларды іске асыруды және жаңа қазақ-неміс кәсіпорындарын құру перспективаларын талқылады. Кездесуге қатысушылар республикадағы теміржол тасымалын дамыту және қоймалау инфрақұрылымын жаңғырту мәселелерін де қарастырды.

«Қазақстан үкіметі елдің көліктік-логистикалық әлеуетін барынша ашуға ниетті. Біз бірлескен инвестициялық жобаларды іске асыруда ынтымақтастыққа ашықпыз. Өз тарапымыздан бизнес үшін қолайлы жағдай жасай отырып, тұрақты және болжамды инвестициялық ахуалға кепілдік береміз», — деп атап өтті Олжас Бектенов.

Тобиас Бартц өз кезегінде Қазақстанның жаһандық логистикадағы рөлін атап өтіп, бірлескен жұмысқа қызығушылық танытты. Ынтымақтастықтың негізгі мақсаты-Еуропадан Орталық Азияға жеткізу тізбегін құру.

Rhenus Group әлемдегі ең ірі 25 логистикалық компанияның қатарына кіреді және Еуропада 70 терминал желісі бар.

Фото: Rhenus Logistics ресми сайты