Осы аптада Қазақстан Республикасының Өнеркәсіп және құрылыс министрі Қанат Шарлапаев Үкіметтегі кеңес барысында 2024 жылы тұрғын үй құрылысын дамытуға 1 трлн теңгеден астам қаражат бағытталғанын мәлімдеді.

Небәрі 5 жыл ішінде салаға 12 трлн теңгеден астам инвестиция салынып, шамамен 78,5 млн шаршы метр жаңа тұрғын үй пайдалануға берілді. Нәтижесінде 695 мың отбасы тұрғын үй жағдайларын жақсартты.

«2030 жылға қарай барлық қаржыландыру көздері есебінен тағы 111 млн шаршы метр тұрғын үй салу және 1 млн — нан астам отбасын жаңа тұрғын үймен қамтамасыз ету жоспарлануда», — деп атап өтті Министр.

Сонымен қатар, Қанат Шарлапаев Үкіметке су тасқынынан зардап шеккен азаматтарды тұрғын үймен қамтамасыз ету шаралары туралы хабарлады.