Қирғизистон Президенти “Қурилаётган электр станциялари” ОАЖ дирекциясининг янги Бош директорини тайинлаш тўғрисидаги қарорни бекор қилди
Қирғизистон Президенти матбуот котиби Аскат Алагозов берган маълумотга кўра, Игорь Чудиновни “Қурилаётган электр станциялари” ОАЖ Бош директори лавозимига тайинлаш тўғрисидаги буйруқ бекор қилинди. Қирғизистон Республикаси Энергетика вазири Талайбек Ибраевнинг И.Чудиновнинг тайинланишини расман тасдиқлаган буйруғи Президент Садир Жапаров томонидан қайтариб олинди.
Шу билан бирга, Энергетика вазирига тайинлаш тўғрисидаги қарор давлат раҳбари билан келишилмаганлиги учун танбеҳ берилди.
Янги қарор натижасида бош мутахассис Равшанбек Қасимов вақтинча “Қурилаётган электр стансиялари” ОАЖ дирекцияси Бош директори вазифасини бажарувчи лавозимига тайинланди.