Өткен аптада Астанада Қоршаған ортаны қорғау мәселелері бойынша Шанхай Ынтымақтастық Ұйымына мүше мемлекеттердің министрліктері мен ведомстволары басшыларының 5-ші кеңесі өтті.
Өзбекстан Республикасының Экология, қоршаған ортаны қорғау және климаттың өзгеруі министрі Азиз Абдухакимов та кеңеске қатысты. Іс-шара барысында ШЫҰ-ға мүше мемлекеттердің қоршаған ортаны қорғау саласындағы ынтымақтастығының ағымдағы жай-күйі мен даму перспективалары туралы пікір алмасылды. Сондай-ақ, мүше мемлекеттердің қоршаған ортаны қорғау саласындағы ынтымақтастығының 2025-2027 жылдарға арналған тұжырымдамасын іске асыру жөніндегі Жоспарды орындау қажеттілігі атап өтілді.
Тараптар 2024 жылы ШЫҰ экология жылын өткізу жөніндегі іс-шаралар жоспарын одан әрі іске асыру мәселелерін талқылады.
Кездесу қорытындысы бойынша министрлер ШЫҰ Хатшылығына келесі қарауға екі маңызды құжатты енгізуді ұсынды. Мүше мемлекеттер Басшылары Кеңесінің қалдықтарды тиімді басқару туралы мәлімдемесі және ШЫҰ-ға мүше мемлекеттердің үкіметтері арасындағы Қоршаған ортаны қорғау саласындағы ынтымақтастық туралы келісім.
Өзбекстан Республикасының Президенті Шавкат Мирзиеевтің бастамасымен ШЫҰ-ның 2024-2026 жылдарға арналған «Жасыл белдеу» бағдарламасын іске асыру жөніндегі бірлескен іс-қимыл жоспары бекітілді.
Бұдан басқа, қатысушылар ШЫҰ-ға мүше мемлекеттердің экологиялық проблемаларды шешу жөніндегі бірлескен тәсілдерін, ШЫҰ-ға мүше мемлекеттердің қоршаған ортаны қорғау саласындағы ынтымақтастығының 2025-2027 жылдарға арналған тұжырымдамасын іске асыру жөніндегі жоспарды мақұлдады.
Фото: ШЫҰ баспасөз қызметі