Қырғыз Республикасы Министрлер Кабинеті Төрағасының орынбасары — су ресурстары, ауыл шаруашылығы және қайта өңдеу өнеркәсібі министрі Бақыт Торобаев Ыстықкөл облысында қырғыз-қытай шекарасында «Бедел» өткізу пунктін ашу бойынша ведомствоаралық кеңес өткізді.
Кеңеске жауапты мемлекеттік органдар мен қызметтердің өкілдері қатысты.
Жұмыс тобының жұмысы шеңберінде «Бедел» өткізу пунктінің және шекаралық және кедендік бақылау объектілерінің орналасуы үшін орындар зерттелді. Сондай – ақ, Барскоон – Учтурфан -Ақсу автожолын салу бағыты және аталған объектілердің жұмыс істеуі үшін қажетті инфрақұрылымды салу перспективалары қарастырылды.
Бұған дейін, 2023 жылдың мамыр айында Қырғыз Республикасының Президенті Садыр Жапаровтың ҚХР-ға сапары аясында екі мемлекет арасында жаңа өткізу пунктін ашу туралы уағдаластыққа қол жеткізілген болатын.
Фото: Қырғыз Республикасы Министрлер Кабинетінің ресми сайты