Өткен аптада Қырғыз Республикасының Энергетика министрлігі Кореяның су ресурстары корпорациясымен («K-Water») парниктік газдар шығарындыларын азайту жөніндегі өзара түсіністік және ынтымақтастық туралы Меморандумға қол қойды.

Құжатқа Қырғыз Республикасы Энергетика Министрінің орынбасары Байғазиев Талайбек және K-Water компаниясының Бас директоры Юн Сог Дэ қол қойды.

Министрліктің ресми сайтында жарияланған ақпаратқа сәйкес, қол қойылған құжаттың негізгі мақсаты жаңартылатын энергия көздерін пайдалана отырып, парниктік газдар шығарындыларын азайту жөніндегі халықаралық жобаларды барлау және әзірлеу салаларында ынтымақтастықты қамтамасыз ету және ілгерілетуге жәрдемдесу болып табылады.