Қазақстан Республикасының Энергетика министрлігі инвестициялық жобалардың жалпыұлттық пулы шеңберінде жалпы сомасы 17 трлн теңгеге 60 жоба қалыптастырды.

Жаңа бағдарламаларды іске асыру шеңберінде негізгі міндеттер экономиканың өсуін қамтамасыз ету, елдің энергия қауіпсіздігі деңгейін арттыру, қоршаған ортаға теріс әсерді азайту және Қазақстан Республикасының энергетикалық объектілерінде инновациялық технологияларды енгізу болып табылады.

2035 жылға дейін жалпы қуаттылығы шамамен 26 ГВт болатын жұмыс істеп тұрған энергетикалық кәсіпорындарды жаңғырту және жаңа энергетикалық кәсіпорындарды іске қосу көзделген.

Бұдан басқа, инвестициялық жобалар пулына жаңа газ өңдеу зауыттарын салу бойынша жобалар енгізілген. Атап айтқанда, «Қарашағанақ» кен орнындағы көлемі жылына 4 млрд м3 шикі газ, пайдалануға беру 2028 жылға жоспарланған. Биыл қуаты 500 МВт Екібастұз ГРЭС-1-дегі алғашқы энергоблокты қалпына келтіру бойынша ауқымды жоба аяқталады деп күтілуде.

Сондай-ақ, Алматы ЖЭО-1 алаңында ПМУ-250 МВт, Түркістан облысында ПМУ-1000 МВт, Алматы ЖЭО-2 алаңында ПМУ-600 МВт, Алматы ЖЭО-3 алаңында ПМУ-450 МВт (544 МВт дейін) салу бойынша жобаларды іске асыру жоспарлануда.

Батыс Қазақстанның электр желілерін Республиканың бірыңғай энергетикалық жүйесіне қосу да маңызды шешім болып табылады. Бұл бастама елдің энергетикалық қауіпсіздігін арттыруға және мемлекеттің энергетикалық теңгеріміне Қазақстанның батыс облыстарының газ қуаттарын тартуға мүмкіндік береді.

2023 жылы республиканың Энергетика министрлігі жалпы сомасы 286,5 млрд теңгеге 17 жобаны іске асырды.