4-июнь, 2024-жыл Өзбекстан Евразиялык өкмөттөр аралык кеңештин Несвиж шаарында (Беларусь Республикасы) өткөн жыйынына байкоочу өлкө катары катышты. Кеңештин жыйынына ардактуу конок катары Евразиялык экономикалык биримдиктин өкмөт башчылары, ошондой эле Азербайжан Республикасынын Өкмөтүнүн башчысы катышты.

Өзбекстан Республикасынын Премьер-министри Абдулла Арипов сөз сүйлөдү. Өзбекстан байкоочу катары болуу учурунда ЕАЭБге мүчө өлкөлөр менен көп тараптуу экономикалык кызматташууну тездик менен өнүктүрүп жатканы, өсүштүн жаңы чекиттерин түзүү боюнча ырааттуу иштер жүрүп жатканы белгиленди.

Өзбекстан сооданы жана жүк ташууларды санариптештирүү, электрондук коммерция жана климат маселелери боюнча тармактык долбоорлорго жана программаларга кошулду. Жогорку Евразиялык экономикалык кеңештин май айындагы акыркы жыйынында Өзбекстан Республикасынын Президенти Шавкат Мирзиёев тарабынан көтөрүлгөн демилгелерди ишке ашыруунун маанилүүлүгү белгиленди.

Жолугушуунун жүрүшүндө өзбек тарап соодадагы тоскоолдуктарды жана чектөөлөрдү жоюу, санитардык, фитосанитардык жана ветеринардык көзөмөлдүн маалыматтык системаларын интеграциялоо, Түштүк жана Түштүк-Чыгыш Азиянын рыноктору үчүн Түндүк-Түштүк транспорт коридорун ачуу, ошондой эле өнөр жай кооперациясын мындан ары өнүктүрүүгө багытталган Жол картасын биргелешип иштеп чыгуу боюнча маселелерди талкуулашты.

Самаркандда ЕАЭБдин ишкерлер кеңешинин биргелешкен форумун өткөрүү сунушталды.

Сүрөт: uz.sputniknews.ru \ ЕЭК