30 Мамырда Өзбекстан Республикасының Мәдениет министрі Озодбек Назарбеков Ислам білім, ғылым және мәдениет ұйымының (ИСЕСКО) бас директоры Салим бин Мұхаммед әл-Маликпен кездесті.

Кездесу барысында Самарқандтың 2025 жылы «Ислам әлемінің мәдени астанасы» болып бекітілуіне байланысты биыл Өзбекстанда бірқатар іс-шаралар өткізу жоспарланып отырғаны атап өтілді.

Мақсаты-ислам өркениетімен байланысты елдермен мәдени ынтымақтастықты одан әрі нығайту.

Кездесу қорытындысы бойынша бірқатар ұсыныстар айтылды. Ислам әлемі ғалымдарының «Имам әл-Бухаридің адамзат тарихындағы рөлі, оның ғылымды дамыту үшін баға жетпес мұрасы»тақырыбына арналған екінші халықаралық конференциясын өткізу ұсынылды. Сондай-ақ, ИСЕСКО-ға мүше мемлекеттердің мәдени мұра комитетінің отырысын өткізу жоспарлануда.

Фото: Өзбекстан мұсылмандары басқармасының баспасөз қызметі