Қозоғистон ҳукумати Республикада озиқ-овқат ва қайта ишлаш саноатини ривожлантириш масаласини кўриб чиқди. Қозоғистон Республикаси қишлоқ хўжалиги вазири Айдарбек Сапаров батафсил маъруза қилди.

Мавжуд маълумотларга кўра, 2023 йилда озиқ-овқат ишлаб чиқаришнинг ўсиши 1,8% га қайд этилди, бу 3,1 триллион тенгени ташкил этди. Озиқ-овқат маҳсулотларини ишлаб чиқаришга инвестициялар ҳажми ҳам 7,1 фоизга ўсди ва 151 миллиард тенгени ташкил этди.

«Қишлоқ хўжалиги маҳсулотларини қайта ишлаш соҳасида 48 миллиард тенге миқдорида 119 инвестиция лойиҳалари амалга оширилди. Ўсимлик маҳсулотларини қайта ишлашда 3 та асосий йўналиш мавжуд – дон ва мойли ўсимликларни қайта ишлаш, шунингдек шакар ишлаб чиқариш. Ун ишлаб чиқариш 3,2 миллион тоннани ташкил этди, бу мамлакатнинг ички истеъмолидан 2 баравар кўпдир. Шу билан бирга, Қозоғистон экспорт таъминоти бўйича дунёда етакчи ўринлардан бирини эгаллайди», — деди A. Сапаров.