Нурдин Букуев КР Футзал ассоциациясынын жаңы президенти болуп дайындалды. Бул тууралуу кыргыз футбол биримдигинен кабарлашты.

Белгилей кетсек, Букуев Кыргыз футбол биримдигинин биринчи вице-президенти кызматын да аткарууну улантат.

Маалымат үчүн:

Нурдин Букуев – ФИФАнын футзал боюнча экс-калысы, футзал боюнча дүйнө чемпионатындагы беттештерди эң көп тейлеген калыс катары дүйнөлүк Гиннес рекорддор китебине кирген. Буга чейин Нурдин Букуев КФБнын (мурунку аталышы – ФФКР) түзүмүндө 2009-жылдан бери катардагы адис жана жетекчи болуп иштеп келген.

Эске салсак, буга чейин Футзал ассоциациясынын президентинин кызматын Максатбек Ишенбаев аткарган.

Ақпарат көзі: сайт https://caravan-info.kg/