Oliy Majlis Senati aholini sifatli va xavfsiz oziq-ovqat mahsulotlari bilan ta’minlash, bozor mexanizmlarini rivojlantirish hamda oziq-ovqat mahsulotlari ishlab chiqarishni rag‘batlantirish maqsadida ‘Oziq-ovqat xavfsizligi to‘g‘risida»gi qonunni ma’qulladi.

Qonunning asosiy qoidalari minimal iste’mol me’yorlariga muvofiq oziq-ovqat mahsulotlari va xomashyo zaxiralarini shakllantirish, shuningdek aholini ijtimoiy ahamiyatga ega mahsulotlar bilan uzluksiz ta’minlash uchun shart-sharoitlar yaratishni nazarda tutadi. Bundan tashqari, davlat sanitariya va fitosanitariya me’yorlariga mos keladigan mahsulotlar ishlab chiqarishni rag‘batlantiradi.

Tashqi iqtisodiy faoliyatga, jumladan, eksport va import muvozanatiga alohida e’tibor qaratilmoqda. Bu esa taqchillikning oldini olish va oziq-ovqat barqarorligini ta’minlash imkonini beradi.

Qishloq xo‘jaligi vazirligi oziq-ovqat xavfsizligi sohasidagi siyosatni amalga oshirish uchun mas’ul etib tayinlandi. Vazirlik oziq-ovqat balansini shakllantirish, mahsulotlar taqchilligining oldini olish va iste’molchilar manfaatlarini himoya qilish bo‘yicha chora-tadbirlarni muvofiqlashtiradi.