«Manchester Siti» safida «Chelsi»ga qarshi debyut o‘yinida o‘zbekistonlik futbolchi Abduqodir Husanov o‘tkazib yuborilgan golga sabab bo‘lgan xatoga yo‘l qo‘ydi. O‘yinning uchinchi daqiqasidayoq Husanov avval havo kurashida yutqazdi, so‘ngra vaziyatni tuzatishga urinib, to‘pni boshi bilan darvozabon Edersonga noto‘g‘ri orqaga tashladi. «Chelsi» hujumchisi Nikolas Jeksonning bosimi ostida bu harakat «Siti» darvozasiga gol kiritilishiga olib keldi.

Noxush boshlanishiga qaramay, Husanov o‘zini tutib oldi. Qo‘pol xatodan so‘ng u dovdiramasdan maydonda ishonchli harakat qilishda davom etdi, bosimga bardosh berishga va o‘z kamchiliklaridan saboq olishga tayyorligini namoyish etdi.