Osiyo Kubogiga tayyorgarlik ko‘rayotgan O‘zbekiston U-17 terma jamoasi 8-15 fevral kunlari Antaliyada o‘quv-mashg‘ulot yig‘inini o‘tkazadi. Islom Ismoilov boshchiligidagi jamoa tayyorgarlik doirasida Antalya Youth Cup xalqaro turnirida ishtirok etib, kuchli raqiblar bilan bellashadi.

O‘zbekiston terma jamoasini uch do‘stona uchrashuv kutmoqda: 10 fevral kuni Slovakiya terma jamoasi bilan, 12 fevral kuni Marokash bilan, 14 fevral kuni esa Chexiya jamoasiga qarshi o‘yin o‘tkazadi.