Ikki yillik qayta qurish ishlaridan so‘ng O‘zbekiston va Qozog‘iston chegarasidagi eng yirik bojxona postlaridan biri — Toshkent tumanida joylashgan “Navoiy” o‘z faoliyatini qayta boshladi.

Punktning o‘tkazish qobiliyati sezilarli darajada oshdi. Kunlik yo‘lovchilar oqimi 5 mingdan 15 ming kishigacha ko‘paydi, o‘tkaziladigan yengil avtomobillar soni esa to‘rt barobar oshdi — endi kuniga 600 tagacha avtomobil o‘ta oladi.

Sayohatchilar uchun qulaylik yaratish maqsadida post yonida 500 dan ortiq yengil avtomobil va 100 ta avtobusga mo‘ljallangan keng avtoturargoh qurildi. Shuningdek, xalqaro va mahalliy jamoat transporti, jumladan, taksi yo‘nalishlari ham tashkil etildi.

Hozirgi vaqtda fuqarolar, avtobuslar va yengil avtomobillarning chegarani qulay kesib o‘tishini ta’minlash maqsadida “Navoiy” punkti orqali yuk avtotransportining harakati vaqtinchalik cheklangan.