Qayta tiklanuvchi energetika sohasidagi islohotlar bilan tanishish doirasida Mo‘g‘uliston Bosh vaziri o‘rinbosari Dorjxand Tog‘mid rahbarligidagi delegatsiya 27-yanvar kuni Toshkent viloyatining Yuqori Chirchiq tumanida joylashgan quvvati 200 MVt bo‘lgan quyosh fotoelektr stansiyasini ko‘zdan kechirdi.

Delegatsiya tarkibiga Mo‘g‘uliston parlamenti a’zolari va energetika sohasi vakillari kirgan edi. Mehmanlarga O‘zbekistonda “yashil” energetikani rivojlantirish bo‘yicha amalga oshirilayotgan loyihalar haqida ma’lumot berildi.

ACWA Power kompaniyasining O‘zbekistondagi rahbari Jon Zaydi kompaniya faoliyati, uning investitsiya imkoniyatlari va mamlakatning energetika sohasidagi o‘zgarishlardagi o‘rni haqida batafsil so‘zlab berdi.