O‘zbekiston transport vaziri Ilhom Mahkamov Yevropa tiklanish va taraqqiyot banki (YETTB)ning respublikadagi direktori Andi Aranitasi bilan uchrashdi. Tomonlar transport infratuzilmasini rivojlantirishga qaratilgan joriy investitsiya loyihalarining borishi hamda kelgusi hamkorlik istiqbollarini muhokama qildilar.

Jamoat transportini zamonaviylashtirish masalasiga alohida e’tibor qaratildi. Samarqand, Namangan va Nukus shaharlariga elektrobuslar xarid qilish loyihalari ko‘rib chiqildi. Bu esa mamlakatda ekologik toza transport ulushini oshirish imkonini beradi. Shuningdek, Urganch, Xonqa, Hazorasp, Toshsoqa shaharlarini hamda A-380 avtomagistralini bog‘laydigan 4R156 avtomobil yo‘lini qayta qurish masalasi muhokama etildi.

O‘zbekiston temir yo‘l tizimini raqamlashtirish borasidagi hamkorlik muzokaralarning alohida bandiga aylandi.