Мутахассисларнинг фикрига кўра, яшил энергия технологиялари ва инфратузилмасига глобал инвестициялар 2024 йилда  2 триллион долларга етиши керак. Юқори молиялаштириш харажатлари кўринишидаги тўсиқларга қарамай, айниқса ривожланаётган иқтисодиётларда, Халқаро Энергетика Агентлиги (ХЭА) ушбу соҳага инвестицияларнинг кўпайишини тахмин қилмоқда.

ХЭА маълумотларига кўра, ушбу маблағлар қайта тикланадиган энергия, электр транспорт воситалари, атом энергетикаси, кам углеродли ёқилғи, электр энергиясини тарқатиш ва сақлаш тармоқлари каби соҳаларни ривожлантиришга йўналтирилади. Жами энергия инвестициялари бу йил биринчи марта 3 триллион доллардан ошиши прогноз қилинмоқда. Шундай қилиб, яшил энергия ва энергетика тармоқларига инвестициялар биринчи марта анъанавий ёқилғи манбаларига сарфланган миқдордан ошади.