Kembrij xalqaro tashkilotining eksperti Stiv King ish safari bilan Qoraqalpog‘istonga keldi. Tashrif doirasida Maktabgacha ta’lim va xalq ta’limi vazirligi OAV vakillari uchun media-tur uyushtirdi.

Tashrif chog‘ida Stiv King Nukus shahridagi tadbirkor M.Shimbergenov asos solgan “Kardar Academy School” xususiy maktabini borib ko‘rdi. U o‘quv xonalarini ko‘zdan kechirdi, o‘quvchilar uchun yaratilgan sharoitlarni baholadi va ular bilan ingliz tilida bemalol suhbatlashdi. Bundan tashqari, ekspert jurnalistlarning savollariga javob berdi, xalqaro ta’lim standartlarini rivojlantirishga alohida e’tibor qaratdi.

Eslatib o‘tamiz, 2024-yil 4-sentyabrdan boshlab viloyatda Kembrij xalqaro maktabi faoliyat yuritmoqda. Asosiy dasturdan tashqari, bu yerda o‘quvchilar shaxmat, gimnastika, raqs, mental arifmetika va informatika kabi turli yo‘nalishlar bo‘yicha ko‘nikmalarini rivojlantirishlari mumkin.