O‘zbekiston Transport vazirligida xodimlarning ijro intizomi va mas’uliyatini oshirishga qaratilgan o‘quv seminari o‘tkazildi. Tadbirda vazirlikning markaziy apparati va idoraviy tashkilotlar vakillari, shuningdek, Vazirlar Mahkamasi hamda Adliya vazirligi mas’ul xodimlari ishtirok etdilar.

Ishtirokchilarga “ijro.gov.uz” tizimida 2024-yil davomida topshiriqlar bajarilishining samaradorligi tahlili taqdim etildi. Shuningdek, normativ-huquqiy hujjatlarni ishlab chiqish, elektron hujjatlar bilan ishlash va ularning aylanish tizimi muhokama qilindi. Ijroni kuzatib borish va nazoratni tashkil etish masalalariga alohida e’tibor qaratildi.