Өзбекстан Республикасынын Президенти Шавкат Мирзиёев 5-июнда Дүйнөлүк соода уюмунун (ДСУ) башкы директору Нгози Оконжо-Ивеала менен жолугушту.

ДСУнун башчысы Өзбекстандын Дүйнөлүк соода уюмуна кирүү аракетин колдоорун билдирди.

Жолугушууда Өзбекстандын Дүйнөлүк соода уюмуна кирүүсү боюнча көрүлүп жаткан чаралар каралды.

Учурда уюмга мүчө өлкөлөр менен сүйлөшүүлөр жүрүп жатканы, айыл чарбасын колдоонун шарттары боюнча талкуулар башталганы, улуттук мыйзамдарды ДСУнун нормаларына жана эрежелерине шайкеш келтирүү иштери уланып жатканы айтылды.

Ошондой эле жашыл экономиканы, электрондук коммерцияны өнүктүрүү жана санариптик кызматтардын экспортун көбөйтүү боюнча кызматташуу зарылчылыгы баса белгиленди. Жыйындын жүрүшүндө Өзбекстанда ДСУнун колдоосу менен “Соода саясаты жаатындагы компетенция борборун” түзүү сунушталды.

Президент Нгози Оконджо-Ивеалага тегерек столго катышып, Өзбекстандын жогорку окуу жайларынын студенттери менен жолугушуусу үчүн ыраазычылык билдирди.

Фото: Өзбекстан Республикасынын Президентинин басма сөз кызматы