“Farg‘ona aeroporti” bojxona posti xodimlari qimmatbaho buyumlarni noqonuniy olib kirishga urinishning oldini olishdi. Istanbuldan uchib kelgan fuqaro bojxona nazoratidan o‘tishi lozim bo‘lgan tovarlarni deklaratsiya qilmasdan ‘yashil yo‘lak‘dan o‘tmoqchi bo‘lgan. Biroq uning xatti-harakatlari bojxona xodimlarida shubha uyg‘otdi.

Tekshiruv paytida uning qo‘l yukida va tanasida umumiy og‘irligi 620 gramm bo‘lgan qimmatbaho metallardan yasalgan 105 ta zargarlik buyumlari aniqlandi. Kontrabanda qiymatining 483 million so‘mga baholanmoqda.

Hozirda ushbu holat yuzasidan dastlabki tergov harakatlari olib borilmoqda. Eslatib o‘tamiz, qonunchilikka ko‘ra, bojxona to‘lovlarini to‘lamasdan 65 grammgacha bo‘lgan taqinchoqlarni olib kirish mumkin.