O‘zbekiston va Ozarbayjon chegarani kesib o‘tish uchun xorijiy pasportlar o‘rniga biometrik ID-kartalardan foydalanish imkoniyatini ko‘rib chiqmoqda. Ushbu masala Tashqi ishlar vazirligining konsullik va huquqiy bo‘limlari xodimlari ishtirokida O‘zbekiston Ichki ishlar vazirligi hamda Ozarbayjon Davlat migratsiya xizmati vakillari o‘rtasidagi onlayn muzokaralar davomida muhokama qilindi.

Bunday tartib fuqarolarning harakatlanishini sezilarli darajada yengillashtirishi, ikki tomonlama munosabatlarni mustahkamlashi va migratsiya siyosati sohasidagi hamkorlikni kengaytirishi kutilmoqda.