Ruminiyaning O‘zbekistondagi elchisi Daniyel Kristian Chobanu Vebster universiteti va Toshkent davlat yuridik universiteti talabalari bilan uchrashuvni o‘tkazdi. Suhbat davomida u Ruminiya-O‘zbekiston munosabatlarining istiqbollari haqida so‘zlab, siyosiy va iqtisodiy hamkorlik masalalariga alohida e’tibor qaratdi.

Diplomat ikki tomonlama aloqalarning ijobiy rivojlanishini ta’kidlab, ikki mamlakat tashqi ishlar vazirliklari o‘rtasidagi siyosiy maslahatlashuvlar, hukumatlararo komissiyalar majlislari va rasmiy tashriflarning muvaffaqiyatli o‘tkazilganini qayd etdi. Shuningdek, u 24 yanvar kuni 166 yilligi nishonlangan Moldova va Valaxiya Ruminiya knyazliklarining birlashuvi ahamiyati haqida ma’lumot berdi.

Chobanu xalq diplomatiyasiga alohida e’tibor qaratib, Katta Chimg‘on cho‘qqilari, Hazrat Sulton va Po‘latxon platosiga ko‘tarilgani, shuningdek, Ruminiya diplomatiyasining 161 yilligi sharafiga havo sharida parvoz qilgani haqidagi taassurotlari bilan o‘rtoqlashdi.