Bosh vazir Abdulla Aripov 31-yanvar kuni Olmaotada bo‘lib o‘tgan Yevroosiyo hukumatlararo kengashi yig‘ilishida shunday bayonot berdi. Uning ta’kidlashicha, bu qadam davlatlar o‘rtasidagi yuk tashish jarayonlarini soddalashtirish va takomillashtirishga qaratilgan.

Hukumat rahbari, shuningdek, O‘zbekiston va YeOII o‘rtasidagi savdoda tarif va notarif cheklovlardan o‘zaro voz kechish to‘g‘risidagi bitimni ishlab chiqishni boshlashni taklif etdi. Bundan tashqari, mamlakat ittifoq doirasida amalga oshirilayotgan sanoatdagi hamkorlik loyihalarini moliyaviy qo‘llab-quvvatlash mexanizmida ishtirok etish imkoniyatini ko‘rib chiqishga tayyor ekanligini bildirdi.

Abdulla Aripov Toshkentning YeOII bilan tizimli hamkorlikka, jumladan, raqamli texnologiyalar va sun’iy intellekt sohalarida intilayotganini ta’kidladi. U qishloq xo‘jaligi sohasiga innovatsion usullarni joriy etish, seleksiya va aqlli qishloq xo‘jaligi yo‘nalishidagi ilmiy tadqiqotlarni rivojlantirish, shuningdek, oziq-ovqat mahsulotlarini barqaror yetkazib berishni ta’minlash masalalariga alohida e’tibor qaratdi.