Қазақстан Үкіметінде Республика премьер-министрі Олжас Бектеновтың төрағалығымен заңсыз сатып алынған активтерді мемлекетке қайтару мәселелері жөніндегі комиссияның отырысы өтті.
235 млрд теңгеден астам сомаға активтерді ерікті түрде қайтару туралы келісімдер жасасу мақұлданды. Ақшалай қаражаттан басқа, жер қойнауын пайдалану кәсіпорындарының акциялары, жер учаскелері және Алматыдағы әкімшілік ғимарат мемлекет меншігіне берілді.
«Заңсыз сатып алынған активтерді мемлекетке қайтару туралы»ҚР заңында белгіленген тұлғаларға 28 млрд теңгеден астам сомаға инвестициялық және әлеуметтік жобаларды іске асыру көзделген. Бұл мүмкіндік ақшаны қайтарудың тиімді әдістерінің біріне айналды.
2024 жылы мемлекетке ақшалай қаражатты, 13 мың га жерді, тарихи-мәдени мұра заттарын, қымбат зергерлік бұйымдарды қоса алғанда, 325 млрд теңгеден астам сомаға активтер қайтарылды.
Фото: Қазақстан Республикасы Премьер-Министрінің ресми ақпараттық ресурсы