O‘zbekiston krevetka yetishtirish bo‘yicha ilk loyihani ishga tushirishga hozirlik ko‘rmoqda. Qishloq xo‘jaligi vazirligi Malayziyalik hamkorlar bilan hamkorlik to‘g‘risida kelishuvga erishdi. Bu esa mamlakatda yangi texnologiyalarni joriy etish va akvakulturani rivojlantirish imkonini beradi.

Tomonlar krevetka ishlab chiqarishdan tashqari, qishloq xo‘jaligi sohasidagi hamkorlikni kengaytirish masalalarini ham muhokama qildilar. Kelishuv doirasida O‘zbekiston Malayziyaga o‘zining noyob ta’m xususiyatlari bilan qadrlanadigan “Devzira” navli sholi urug‘ini yetkazib berishni boshlaydi. Bunga javoban respublika qora, uzun va xushbo‘y guruch navlarining urug‘larini oladi.