6-fevral kuni Qoraqalpog‘iston Respublikasi Vazirlar Kengashida O‘zbekiston qishloq xo‘jaligi vaziri Ibrohim Abdurahmonov hamda Vazirlar Kengashi raisi Farhod Ermanov Rossiya kompaniyalari vakillari bilan uchrashdi. Muzokaralarning asosiy mavzusi mintaqada qishloq xo‘jaligi mahsulotlarini ishlab chiqarish, qayta ishlash va eksport qilishga yo‘naltirilgan investitsiya loyihalarini rivojlantirish masalasi bo‘ldi.

Investorlar takliflari orasida Amudaryo tumanida ixtisoslashtirilgan bog‘, Shumanay tumanida meva-sabzavotchilik klasteri, shuningdek, Taxtako‘pir tumanida chorvachilik majmuasini barpo etish loyihalari mavjud. Bundan tashqari, Nukus tumanida zamonaviy parrandachilik kompleksi qurish, Qonliko‘l tumanida texnik kannabis yetishtirish va Kegeyli tumanida meva-poliz sharbati ishlab chiqarishni yo‘lga qo‘yish loyihalari muhokama qilindi.

Farhod Ermanov investorlarni Bo‘zatov va Taxtako‘pir tumanlaridagi chorvachilik majmualariga tashrif buyurishga taklif etdi.