Конституциявий суд матбуот хизматининг хабар беришича, яқинда Брайл алифбосида чоп этилган Қозоғистон Республикаси Конституциясининг махсус версияси тақдим этилди.

Брайл алифбоси, кўриш қобилияти бўзилган ёки кўзи ожиз одамлар учун махсус ишлаб чиқилган ва давлат ҳужжатлари барча фуқаролар учун очиқ бўлишини таъминлаш учун мўлжалланган.

Адолатли Қозоғистон сиёсати республиканинг ҳар бир фуқароси учун тенглик, қадр-қиммат ва адолат тамойилларининг муҳимлигини тасдиқлайди. Конституциявий суд раиси Элвира Азимова Конституциянинг Брайл алифбосида нашр этилиши ушбу сиёсатни илгари суришда муҳим қадам эканлигини таъкидлади.

Конституцияларнинг махсус версиялари 56 та муассасага, шу жумладан миллий ва минтақавий кутубхоналар, ўқув марказлари ва ихтисослаштирилган мактабларга топширилади. Жаҳон Соғлиқни сақлаш ташкилоти маълумотларига кўра, Қозоғистонда 160 мингга яқин кўзи ожизлар яшайди ва Қозоғистон Республикаси меҳнат ва аҳолини ижтимоий муҳофаза қилиш вазирлигининг маълумотларига кўра мамлакатда 85 минг кўзи ожиз одам, шу жумладан 4000 дан ортиқ кўриш қобилияти заиф болалар, уларнинг орасида 350 га яқин кўзи ожиз бола бор.

Сурат: t.me/ConstitutionalCourt_KZ