Вазирлар Маҳкамаси раисининг ўринбосари Эдил Байсалов ва Президентнинг «Тоғли ҳудудларни ривожлантириш бўйича беш йиллик ҳаракатни» амалга ошириш бўйича махсус вакили Динара Кемелова бошчилигидаги Қирғизистон делегацияси Бонндаги БМТ доирасида тоғлар ва иқлим ўзгариши бўйича глобал экспертлар Мулоқотида иштирок этди. Ушбу учрашув Қирғизистон Президенти Садир Жапаровнинг Дубайда ўтган иқлим ўзгариши конференциясидаги ташаббуси натижаси бўлди.

Эдил Байсалов тадбирда сўзга чиқиб, иқлим муаммоларини ҳал қилишда тоғли ва бошқа мамлакатларнинг саъй-ҳаракатларини бирлаштириш муҳимлигини таъкидлади. Шунингдек, у ҳар йили ушбу мулоқотни ўтказиш ғоясини қўллаб-қувватлашга чақирди.

Асосий тадбир олдидан Андора ва Тоғли шериклик котибияти билан биргаликда ташкил этилган сайд-ивент тадбири бўлиб ўтди, унда тоғларнинг барқарор ривожланиши жиҳатлари ва иқлим ўзгариши билан боғлиқ муаммолар муҳокама қилинди. Иштирокчилар томонидан Қирғизистоннинг ушбу соҳадаги етакчилиги қайд этилди ва ҳар йили мулоқот ўтказиш ташаббуси қўллаб-қувватланди.

Эдил Байсалов, шунингдек, турли вакиллар, жумладан, Озарбайжон Экология вазири М.Бабаев ва яшил иқлим жамғармаси вакиллари билан учрашувлар ўтказди. Бўлажак халқаро тадбирлар учун энергетика, яшил иқтисодиёт ва тоғларни барқарор ривожлантириш соҳасидаги ҳамкорлик истиқболлари муҳокама қилинди.

Қирғизистон делегацияси иқлим ва тоғли ҳудудларни барқарор ривожлантириш соҳасида халқаро ҳамкорликни мустаҳкамлаш тарафдори бўлиб келмоқда.

Сурат: Қирғизистон Республикаси Вазирлар Маҳкамасининг расмий веб-сайти