Ереван бийлиги Армениянын премьер-министри Никол Пашиняндын COP29 саммитине катышуу үчүн Азербайжанга боло турган сапары тууралуу маалыматты четке какты.

«Эксперт премьер-министр Н.Пашиняндын иш программасы менен эч кандай байланышы жок субъективдүү көз карашын билдирди. Премьер-министрдин иш программасында мындай визит пландаштырылган эмес», — деди Армениянын премьер-министринин басма сөз катчысы Назели Багдасарян армян журналисттерине. 

Буга чейин азербайжандык саясат таануучу Никол Пашинян ушул жылдын ноябрында Бакуда өтө турган COP29 форумуна катышарын билдирген.

Сүрөт: Алексей Смышляев / Global Look Press