Қирғизистон Республикаси Вазирлар Маҳкамаси раисининг биринчи ўринбосари Адылбек Қосималиев Санкт-Петербург халқаро иқтисодий форумидаги иштироки доирасида Санкт-Петербург губернатори Aleksandr Беглов билан учрашди.

Учрашувда томонлар Қирғизистон-Россия минтақалараро ҳамкорлиги, савдо-иқтисодий, маданий-гуманитар ва сармоявий ҳамкорликни кенгайтириш, шунингдек, илгари еришилган келишувларни амалга ошириш, шу жумладан Қирғизистон-Санкт-Петербург ҳукуматлараро комиссиясининг ишларини муҳокама қилдилар.

Адилбек Қосималиев ҳудудий ишлаб чиқарувчилар, ишчилар жамоалари, савдо палаталари ва бошқа хўжалик бирлашмалари ўртасидаги ҳамкорликни фаоллаштириш, шунингдек, ўзаро савдо ҳажмини ошириш ва саноат кооперациясини ривожлантириш бўйича саъйи-ҳаракатларни бирлаштириш таклифини билдирди.

Томонлар Қирғизистон Республикаси ва Россия Федерацияси ўртасидаги иттифоқ ва стратегик шерикликни янада давом эттириш ва ҳар томонлама мустаҳкамлашга ўзаро тайёр эканликларини тасдиқладилар.

Бундан ташқари, Вазирлар Маҳкамаси раисининг биринчи ўринбосари «Газпромбанк» бошқаруви раисининг ўринбосари Алексей Матвеев билан учрашув ўтказди ва Қирғизистон ва «Газпромбанк» АЖ ўртасида турли йўналишларда қўшма лойиҳаларни амалга ошириш учун ҳамкорликни кучайтиришга чақирди.

Сурат: Қирғизистон Республикаси Вазирлар Маҳкамасининг расмий веб-сайти