Rossiya Tashqi ishlar vazirligi rasmiy vakili Mariya Zaxarova Rossiya tashqi ishlar vaziri Sergey Lavrov 22-23 aprel kunlari rasmiy tashrif bilan O‘zbekistonga kelishini ma’lum qildi. Toshkentda Lavrov O‘zbekiston prezidenti Shavkat Mirziyoyev bilan uchrashishi va tashqi ishlar vaziri Baxtiyor Saidov bilan muzokaralar o‘tkazishi rejalashtirilgan. Muzokaralarda asosiy e’tibor G‘alabaning 80 yilligini nishonlashga tayyorgarlik ko‘rish, shuningdek, ikki tomonlama har tomonlama strategik sheriklik va ittifoqchilik munosabatlarini yanada rivojlantirish, xususan, Rossiya Prezidenti Vladimir Putinning 2024-yil may oyida O‘zbekistonga davlat tashrifi chog‘ida erishilgan kelishuvlarni amalga oshirishni faollashtirishga qaratiladi.