Өзбекстандын Билим берүү министрлиги жыйынтыктоочу аттестацияга жаңы талап киргизди; мындан ары бардык бүтүрүүчүлөр, кайсы тилде окутулганына карабастан, мамлекеттик тилден сынак тапшырууга милдеттүү.

Бийликтин айтымында, бардык студенттер өзбек тилин базалык деңгээлде билиши керек. Тиешелүү буйрукка буга чейин билим берүү министри Хилола Умарова кол койгон.

Сынак жазуу түрүндө болот жана предмет боюнча билимин тастыктаган сертификаты барлар гана андан бошотулат.

2013-жылдагы эл каттоого ылайык, Өзбекстанда 800 миңден ашуун орустар жашаган. 2024-жылы жергиликтүү маалымат каражаттары орус диаспорасынын саны болжол менен 640 миң кишиге чейин кыскарганын жазышкан.