Кыргызстанда 1 миллион 250 миң гектар айдоо аянты бар. Аны сарамжалдуу колдонсок, 7 эмес, 10 миллион элди багып алабыз. Бул тууралуу Караван-Инфого айыл чарба илимдеринин доктору Жамин Акималиев билдирди.

«Быйыл бир катар аймактарда, өзгөчө Нарын облусунда кар аз жааган.Бирок бул түшүмгө олуттуу таасирин тийгизбеши керек, анткени Кыргызстан Борбордук Азиянын көпчүлүк дарыяларынын башатында жайгашкан – аймактын суу ресурстарынын дээрлик 40%ы ушул жерде топтолгон.Бизде Токтогул, Кара-Буура, Орто-Токой, Найман жана башка суу сактагычтардын үнөмдүү пайдалануу маселеси бар.

Бетон сугат каналдарынын жоктугунан, алардын тыгылып калышынан жана сугаттын азыркы кездеги методдорунун начар ишке ашырылгандыгынан биз суунун жарымына чейин жоготуп жатабыз. «Бир тамчысын да коромжуга учуратпоо үчүн жаадыргыч жана тамчылатып сугаруу ыкмасын активдүү колдонушубуз керек», – дейт ал.

Акималиевдин айтымында, жер семирткичтерге да көңүл буруу зарыл: бизге жылына 300 миң тонна минералдык жер семирткич керек болсо, иш жүзүндө 80 миң тонна гана бар – бул жетишсиз экени анык. Жер семирткичтерди оптималдуу колдонуу менен гана айыл чарба өсүмдүктөрүнүн түшүмдүүлүгүн 35% жогорулатууга болот.