Шанхай кызматташтык уюмуна мүчө мамлекеттердин саламаттыкты сактоо министрлеринин кезектеги тогузунчу кеңешмеси 2026-жылы Кыргыз Республикасында өтөт.

Мындай чечим бүгүн, 28-апрелде Кытайдын Сиань шаарында өткөн сегизинчи жыйындын жүрүшүндө кабыл алынды.

Эстафетаны кабыл алган КР Саламаттыкты сактоо министри Эркин Чечейбаев дүйнөлүк саламаттыкты сактоо системасын өнүктүрүү үчүн ШКУга мүчө мамлекеттердин кызматташтыгынын маанилүүлүгүн белгиледи.

Сөзүнүн аягында ал Кытай тарапка жолугушууну уюштурууга кошкон салымы үчүн ыраазычылык билдирип, кесиптештерине жемиштүү кызматташууну каалады.