2025-жылдын 28-апрелинен 30-апрелине чейин Кыргыз Республикасынын Билим берүү жана илим министрлиги Ош, Жалал-Абад жана Баткен облустарындагы мектептердин социалдык педагогдору үчүн “Балдарга колдоо көрсөтүү, алардын коопсуздугун камсыз кылуу жана билим берүү маселелерин жөнгө салуу” темасында онлайн окутууну улантууда.

Онлайн окутуу суицид, баңгизат колдонуу жана мектептеги зордук-зомбулуктун алдын алууга багытталган. Ар бир аймакта 500дөн ашык социалдык педагогдор окууга катышууда.

Онлайн тренингге лектор катары Кыргыз Республикасынын Билим берүү жана илим министрлигинин, Кыргыз Республикасынын Ички иштер министрлигинин, Кыргыз Республикасынын Саламаттык сактоо министрлигинин өкүлдөрү, ошондой эле КРСУнун Жаштар арасындагы деструктивдүү көрүнүштөрдүн жана экстремизмдин алдын алуу институтунун кызматкерлери катышууда.

Кыргыз Республикасынын Билим берүү жана илим министрлиги тарабынан иштелип чыккан усулдук колдонмолор, презентациялар, буклеттер жана видеороликтер андан ары практикалык иш-чараларда колдонуу үчүн окуу-тарбия иштерине тартылган мектеп кызматкерлерине таркатылып жатат.