Мәскеу, 27 сәуір, 2025 жыл – Караван Инфо ақпараттық агенттігі.Мәскеуде 9 мамырда Жеңіс күніне арналған парадқа Қазақстан Республикасын Кеңес Одағының Батыры генерал-майор Иван Панфилов атындағы Аэро-десанттық-шабуылдаушы әскерлерінің 37-ші десанттық-шабуылдау бригадасының әскери қызметшілерінің парадтық бөлімі ұсынады.

Чкаловский әскери аэродромында қазақстандық десантшыларды Қазақстан Қорғаныс министрлігінің Ресей Федерациясындағы Қорғаныс атташесі генерал-лейтенант Талғат Қойбақов күтіп алып, жауынгерлерге осынау тарихи маңызды оқиғада өз елін лайықты таныстыруды тіледі.

Шеруді екінші дәрежелі «Айбын» орденімен және «Жауынгерлік ерлігі үшін» медалімен марапатталған 37-десанттық-шабуылдау бригадасының командирі полковник Алмас Төлегенов басқарады. Парадтық экипаж 80 әскери қызметшіден тұрады, оның ішінде офицерлер, келісімшарт бойынша сарбаздар және мерзімді әскери қызметшілер. 37-ші десанттық-шабуылдау бригадасы Ұжымдық қауіпсіздік шарты ұйымының Ұжымдық жедел әрекет ету күштерінің құрамына кіреді және тұрақты жауынгерлік әзірлікте, еліміздің қауіпсіздігін қамтамасыз ету бойынша маңызды тапсырмаларды орындап, лаңкестікке қарсы операцияларға қатысуда.

Фото:ҚР МО