Aidoo Fest 2025 фестивалынын алкагында дыйкандар арасындагы сынактын жеңүүчүсү аныкталды. Бул Нарын облусунан келген Рыскул Турумбековго сыйлык катары трактор жана Россияда өткөн эл аралык чемпионатка катышуу үчүн сертификат тапшырылды.

Фестивалдын башка жеңүүчүлөрүнө да электр велосипед, телевизор, смартфон жана акчалай сертификаттар тапшырылды.

“Aidoo Fest 2025” – биринчи айыл чарба фестивалы Сокулук районундагы Кожомкул айылында өтүп, Кыргызстандын жети дубанынан миңден ашуун катышуучуларды чогултту.

Фестивалдын алкагында айыл чарба техникаларынын көргөзмөсү, ошондой эле улуттук оюндар, балдар үчүн сынактар жана концерттик программа тартууланды.