Кыргызстандын Олимпиадалык курама командасына (U-23) жаңы башкы машыктыруучу дайындалды. Кыргызстандын футбол союзунун чечими менен бул кызматка UEFA PRO лицензиясынын ээси бразилиялык адис Эдмар Ласерда келди.

Ласерда буга чейин профессионал футболчу катары бразилиялык "Индепендиенте", "Паулиста" жана "Интернасьональ" клубдарында ойногон. 2003-жылы Украинага көчүп, карьерасын "Таврия", "Металлист" жана "Днепр" сыяктуу клубдарда уланткан.

Украин жарандыгын алган Эдмар 2011-2014-жылдары Украина курамасында ойногон.

Машыктыруучулук карьерасын 2019-жылы баштаган. 2023-жылга чейин «Металлист 1925» клубунда, 2024-жылы Казакстандын «Тобол» клубунда машыктыруучунун жардамчысы болгон.

Ласерда быйыл сентябрда өтө турган Азия кубогунун тандоо турунда улуттук курама команданы жетектейт деп күтүлүүдө.