Орусия элчилиги тарабынан уюштурулган "Өлбөс полк" жүрүшү биринчи жолу Орусиянын Италиядагы элчисинин Римдеги резиденциясында өттү. Иш-чарага КМШ өлкөлөрүнүн – Армениянын, Беларустун, Казакстандын, Өзбекстандын жана башка мурдагы советтик республикалардын дипломаттары, ошондой эле Италиянын ар кайсы шаарларында жашаган орусиялык мекендештер, Италиянын жарандары катышты.

Катышуучулар Улуу Ата Мекендик согушка катышкан жакындарынын сүрөттөрү менен басып өтүшүп, курман болгондордун элесине таазим этип, нацизмди жеңген муундардын эрдигине ыраазычылык билдиришти.

Иш-чарада сөз сүйлөгөн Россиянын Италиядагы элчиси Алексей Парамонов жакындап келе жаткан Жеңиштин 80 жылдыгынын өзгөчө маанисин белгилеп, бул окуя мурдагы СССРдин элдери үчүн дагы, дүйнөнүн бардык эстүү адамдары үчүн дагы маанилүү бойдон кала берээрин баса белгиледи.

«Өлбөс полктун жүрүшүнө чыгуу менен биз гитлерчилерди жеңген ата-бабаларыбыздын жаркын элесине таазим эттик.Бресттен Петропавловск-Камчатскийге чейин согуш тийбеген бир дагы үй-бүлө болбосо керек.

Ошол оттуу жылдарда биздин ата-бабаларыбыз өздөрүнүн жана келечек муундардын жашоого, эркиндикке жана эгемендик өнүгүү укугун коргоп келишкен. Алар фронтто массалык эрдикти жана жан аябастыкты көрсөтүп, тылда «Баары фронт үчүн, бардыгы Жеңиш үчүн!» деген ураандын астында жан аябастан эмгектеништи», – деди дипломат.

Римдеги жүрүш эл аралык эскерүү иш-чарасынын бир бөлүгү жана Улуу Жеңиштин жалпы тарыхый эсинде болгон элдердин биримдигинин символу болуп калды.