Ысык-Көл облустук ички иштер башкармалыгынан билдиришкендей, Туризм экологиялык кызматынын кызматкерлери тарабынан мыйзамсыз балык уулоого жана браконьерликке каршы ыкчам иш-чаралар жүргүзүлүүдө.

Бул иш-чаралар Кыргыз Республикасынын Президенти Садыр Жапаров тарабынан кол коюлган №131 Мыйзамынын талаптарын ишке ашыруунун алкагында Ысык-Көлдүн экологиялык коопсуздугун камсыз кылуу максатында жүргүзүлүүдө.

Рейддердин негизги максаты – көлдө мыйзамсыз балык уулоого, өзгөчө браконьердик торлорду колдонууга бөгөт коюу. Жээктеги аймактарда да, суу бетинде да көзөмөл күчөтүлүп, ар бир мыйзам бузуу фактысы боюнча ыкчам чаралар көрүлүүдө.

Алдын алуу иштеринин алкагында жергиликтүү калк менен түшүндүрүү иштерине өзгөчө көңүл бурулууда. Айыл тургундарына мыйзам ченемдери, айлана-чөйрөнү коргоонун мааниси жана мыйзамдуу балык кармоо эрежелери боюнча кеңири түшүндүрмөлөр берилет.