Бүгүн, 3-майда дүйнөдөгү эң ири криптовалюталык Binance биржасынын негиздөөчүсү Чанпэн Чжао Кыргызстанга иш сапары менен келди.

«Ысык-Көл» эл аралык аэропортунда ардактуу конокту Президенттин Аппаратынын Жетекчисинин орун басары – Кыргыз Республикасынын Президентинин жана Министрлер Кабинетинин Аппаратынын чечимдерин даярдоо бөлүмүнүн башчысы Азамат Кадыралиев салтанаттуу түрдө тосуп алды.

Сапардын алкагында президент Садыр Жапаров менен Binance компаниясынын негиздөөчүсү Чанпэн Чжаонун эки тараптуу сүйлөшүүлөрү, ошондой эле Кыргыз Республикасынын Президентине караштуу Виртуалдык активдерди жана блокчейн технологияларын өнүктүрүү боюнча Улуттук кеңештин биринчи жыйынына катышуу каралган.