Суу чарба, айыл чарба жана кайра иштетүү өнөр жай министрлигинин алдындагы Айыл чарба өсүмдүктөрүн жана жашылча-жемиш чарбачылыгын экспертизалоо департаменти «АгроЛид» компаниясы менен биргеликте Ат-Башы районунун дыйкандары үчүн Талаа күнүн өткөрдү.

Иш-чаранын максаты – дыйкандар арасында картошка өстүрүүнүн заманбап жетишкендиктери тууралуу түшүндүрүү иштерин жүргүзүү. Эксперттер жаңы, жогорку түшүм берүүчү жана илдеттерге туруктуу сортторду сунуштап, андан ары көбөйтүү жана фермерлерди сапаттуу сертификатталган үрөндөр менен камсыз кылуу үчүн «Супер-супер элита» жана «Супер элита» категорияларын өстүрүү пландары тууралуу айтып беришти.

Талаа күнү облустун айыл чарбасына инновацияларды киргизүүгө көмөктөшүп, фермерлер менен адистердин тажрыйба алмашуусунун эффективдүү аянтчасы болуп калды.